Die fees het sy ontstaan gehad in 1992 as die SAD Rosyntjiefees. Die fees is in sy totaliteit op die Eiland vakansie-oord aangebied. Reg van die begin was dit 'n reuse sukses met wye media blootstelling.In 2000 is die fees oorhandig aan die Noord-Kaap se mense. Dit het 'n artikel 21 maatskappy geword met die nuwe naam, Kalahari Kuierfees. Die fees het uitgebrei ook na ander venues wat nou die kunste in die vorm van teater insluit. Vandag trek die fees, wat oor vier dae loop, meer as 30 000 feesgangers en 170 uitstallers.Op die hooffeesterrein - die Eiland, alles op gras reg langs die Oranjerivier - sien feesgangers teen 'n bekostigbare toegangsfooi tientalle van Suid-Afrika se top kunstenaars.